روسىيە پرېزىدېنتى ۋىلادىمىر پۇتىن شىمالىي ئاتلانتىك ئەھدى تەشكىلاتىغا ئوخشىغان غەربنىڭ ھەربىي ئىتتىپاقلىرىغا قارشى خىتاي بىلەن ھەربىي ھەمكارلىق ئورنىتىشىنىڭ مۇمكىن ئىكەنلىكىنى ئېيتتى.
پۇتىن موسكۋادىكى ئاقىللار ئامبىرى ۋە مۇنازىرە مۇنبىرى ۋالداي مۇنازىرە كۇلۇبى ئەزالىرى بىلەن سىنئالغۇ يىغىنىدا سۆز قىلغاندا، مۇنداق دېدى: گەرچە بۇ خىل ئىتتىپاق ھازىر ئويلانمىسىمۇ ، ئەمما بۇنى نەزەردىن ساقىت قىلىشقا بولمايدۇ.
ئۇ يەنە روسىيە بىلەن خىتاينىڭ قەرەللىك ھالدا بىرلەشمە ھەربىي مانېۋىر ئۆتكۈزۈپ زور مۇۋەپپەقىيەتلەرنى قولغا كەلتۈرگەنلىكىنى، بۇنىڭدىن كېيىن پەقەت قورال سېتىش ۋە سېتىۋېلىشتىلا ئەمەس بەلكى سەزگۈر رايونلاردا ئورتاق ھەمكارلىقنى قولغا كەلتۈردىغانلىقىنى بىلدۈردى.
ئۇ «بىز ئەزەلدىن مۇناسىۋىتىمىزنىڭ ئۆز-ئارا تەسىر ۋە ئىشەنچ دەرىجىسىگە يەتكەنلىكىنى پەرەز قىلىپ كەلدۇق ، بىز ئادەتتە ئۇنىڭغا ئېھتىياجلىق ئەمەس ، ئەمما نەزەرىيە جەھەتتىن ئېيتقاندا ، بۇ [ھەربىي ئىتتىپاق] نى تەسەۋۋۇر قىلىش مۇمكىن._»
پۇتىن روسىيە بىلەن ئامېرىكا ئوتتۇرىسىدىكى ئىستراتېگىيىلىك قوراللارنى ئازايتىش شەرتنامىسى (START) غا قاتنىشىشنىڭ مۇمكىنچىلىكى توغرىسىدا، روسىيەنىڭ بۇ پىكىرنى قوللايدىغانلىقىنى، ئەمما بۇ پىكىرنى تەشەببۇس قىلغۇچى بولۇش سۈپىتى بىلەن خىتاينىمۇ سۆھبەتكە تەكلىپ قىلىش ئامېرىكىنىڭ ئۆزىگە باغلىق ئىكەنلىكىنى ئېيتتى.
پۇتىن يەنە بۇ ئەھدىنامىنىڭ يادرو قوراللىرىنىڭ ئېشىشىنى بەلگىلىك دائىرىدە توڭلىتىشنى تەۋسىيە قىلىدىغانلىقىنى، ئەمما ھازىرچە خىتاينىڭ ئىقتىدارىنىڭ بۇ چەكتىن خېلىلا تۆۋەن ئىكەنلىكىنى ئوتتۇرىغا قويدى.
ئۇ يەنە خىتاينىڭ بۇ شەرتنامىگە ئىمزا قويۇپلا قالماي ، يەنە باشقا يادرو قورالىغا ئىگە دۆلەتلەرنىڭمۇ ئىمزا قويۇشى كېرەكلىكىنى تەكىتلىدى.
2020-10-25
مەنبە: AA
