خىتاي تاشقى ئىشلار مىنىستىرلىكى ۋاشىنگىتون بىلەن تەيبېي ئوتتۇرىسىدىكى ھەربىي مۇناسىۋەتنىڭ تەرەققىياتىغا بولغان بىئاراملىقنى تەكىتلەپ، بېيجىڭنىڭ ئامېرىكا دېڭىز ئارمىيىسىنىڭ تەيۋەنگە قىلغان زىيارىتىگە جاۋاب قايتۇرىدىغانلىقىنى بايان قىلدى.
دۆلەت ئىشلىرى مەھكىمىسىنىڭ باياناتچىسى جاۋ لىجيەن بۈگۈن كۈندىلىك مۇخبىرلارنى كۈتۈۋېلىش يىغىنىدا مۇنداق دېدى: خىتاي ئامېرىكا بىلەن تەيۋەن ئوتتۇرىسىدىكى ھەربىي مۇناسىۋەتنىڭ تەرەققىياتىغا قەتئىي قارشى تۇرىدۇ.
باياناتچى زىيارەتكە قارىتا «خىتاي ۋەزىيەتنىڭ تەرەققىياتىغا ئاساسەن زۆرۈر قانۇنلۇق جاۋاب قايتۇرىدۇ» دېدى.
رېيتېر ئاگېنتلىقى ئىككى مەنبەگە ئاساسەن تۈنۈگۈن ئامېرىكىنىڭ ئاسىيا-تىنچ ئوكيان رايونىدىكى ھەربىي ئىستىخباراتنى نازارەت قىلىدىغان بىر كىشىنىڭ تەيۋەندە تۇيۇقسىز زىيارەتتە بولغانلىقىنى خەۋەر قىلدى.
تەيۋەنمۇ، ئامېرىكامۇ بۇ زىيارەتنى رەسمىي تەستىقلىمىدى.
ئامېرىكا پرېزىدېنتى دونالد ترامپ ھۆكۈمىتى يېڭى قورال سېتىشنى ئۆز ئىچىگە ئالغان بىر قىسىم ھەمكارلىق بىلەن تەيۋەننى قوللاشنى كۈچەيتتى. بۇ ئارالنى ئۆزىنىڭ زېمىنى دەپ قارايدىغان خىتاينىڭ ئەندىشىسىنى كۈچەيتىۋەتتى.
2020-11-24
مەنبە: ŞARKUL AVSAT
