![](http://taklimakan.biz/wp-content/uploads/2021/02/52333.jpg)
مەنبە: Mepa News
سەيشەنبە، 2021-يىلى 2-ئاينىڭ 23-كۈنى ……
سۈرىيەنىڭ شەرقىدىكى دەير ئەززور رايونىدا روسىيە قوللىغان كۈچلەر بىلەن ئىران قوللىغان كۈچلەر ئوتتۇرىسىدا توقۇنۇش يۈز بەرگەنلىكى خەۋەر قىلىندى.
رايون مەنبەلىرىدىن ئېلىنغان ئۇچۇرلارغا قارىغاندا ، ئىران قوللىغان «47-پولك» قوراللىق كۈچلىرى بىلەن روسىيە قوللىغان «دۆلەت مۇداپىئە» قىسىملىرى ئىراقنىڭ شەرقىدىكى يېزىلارغا جايلاشقان ئەل بۇكېمال بازىرىدا توقۇنۇش يۈز بەرگەن.
ئىران قوللىغان قوراللىق كۈچلەرنىڭ ئەل بۇكېمال بازىرىنىڭ ئېل مارى كوچىسىدىكى روسىيە قوللىغان كۈچلەرنىڭ مەركىزىگە ھۇجۇم قىلغانلىقى بايان قىلىندى.
توقۇنۇشتا ئىككى تەرەپنىڭ يارىلانغانلىقى خەۋەر قىلىنغان بولسىمۇ ، ئەمما ھۇجۇمنى قىلغان ئىران قوللىغان خەلق ئەسكەرلىرىنىڭ تۇتۇلغانلىقى خاتىرىلەنگەن.
![](http://taklimakan.biz/wp-content/uploads/2021/02/elbukemal-1024x845.jpg)
سۈرىيەنىڭ شەرقىدىكى ئەل بۇكېمال بازىرى ئۇزۇندىن بۇيان ئىران بىلەن روسىيە قوللىغان كۈچلەر ئوتتۇرىسىدىكى توقۇنۇشقا شاھىت بولدى.
ئىران بۇ رايوندىكى ئىنقىلابى قوغدىغۇچىلارغا قاراشلىق خەلق ئەسكەرلىرىنى ئورۇنلاشتۇرۇۋاتقاندا ، بۇ يەردىكى ھەربىي ۋە ئىدىيىۋى مەۋجۇتلۇقىنى ئاشۇرۇش ئۈچۈن تىرىشىۋاتىدۇ.
مەلۇمكى ، روسىيە يېقىندىن بۇيان ئىككى تەرەپ ئوتتۇرىسىدىكى زىددىيەتنىڭ كۆپىيىشى سەۋەبىدىن بۇ رايونغا ھەربىي توشۇش ئېلىپ باردى.
ئىراق چېگراسىغا جايلاشقان ئىستراتېگىيىلىك ئەھمىيەتكە ئىگە ئەل بۇكېمال بازىرى 2017-يىلى 11-ئايغىچە دائىش قوراللىق كۈچلىرىنىڭ كونتروللۇقىدا بولغان.