مەنبە : Mepa News
شەنبە، 2021-يىلى 3-ئاينىڭ 20-كۈنى
خەلقئارا كەچۈرۈم تەشكىلاتى خىتاي دائىرىلىرىنىڭ مۇسۇلمان ئۇيغۇر ئاز سانلىقلىرىغا قىلغان بېسىمىغا ئاساسەن بالىلىرىنى ئائىلىسىدىن ئايرىۋەتكەنلىكىنى ئەيىبلىدى.
جۈمە كۈنى ئۇيغۇر ئائىلىلىرىنىڭ بالىلىرىدىن ئايرىلىشقا مۇناسىۋەتلىك كەچۈرۈم تەشكىلاتىنىڭ «سۇنۇق يۈرەك ۋە ھايات: ئۇيغۇر ئائىلىلىرىنىڭ باستۇرۇش نەتىجىسىدە ئايرىلغان قاباھەتلىك چۈش» ماۋزۇلۇق دوكلاتى جۈمە كۈنى ئاشكارىلاندى.
كەچۈرۈم تەشكىلاتى خىتاينىڭ ئۇيغۇرلارغا تۇتقان پوزىتسىيىسىنى «رەزىللىك» دەپ تەسۋىرلىدى.
دوكلاتتا، ئاۋىستىرالىيە ، كانادا ، ئىتالىيە ، گوللاندىيە ۋە تۈركىيەدە ياشايدىغان ئۇيغۇرلاردىن توپلانغان ئۇچۇرلار بىلەن تەييارلانغان دوكلاتتا، بۇ ئائىلىلەرنىڭ بالىلىرى «يېتىم بالىلار» دېيىلدى. بالىلارنىڭ ئاتا-ئانىلىرىنىڭ خىتاي دائىرىلىرى تەرىپىدىن «مەشىق لاگېرى» دەپ ئاتىلىدىغان جايلارغا قويۇلۇش خەۋپى سەۋەبىدىن شىنجاڭغا قايتىپ كېلەلمەيدىغانلىقى كۆرسىتىلدى.
«ئىنسان قېلىپىدىن چىققان پوزىتسىيە»
خەلقئارا كەچۈرۈم تەشكىلاتىنىڭ ئاسىيا مۇتەخەسسىسى تېرېسا بېرگمان دوكلاتقا «خىتاي ئۇيغۇرلىرى ۋە باشقا ئاز سانلىق مىللەتلەرنى كەڭ كۆلەمدە قولغا ئېلىشنىڭ رەھىمسىز سىياسىتى كىشىنى ئېچىندۇرىدۇ» دەپ باھا بەردى. بېرگمان مۇنداق دېدى: ئائىلىلەرنىڭ ئايرىلىشى خىتاينىڭ شىنجاڭدىكى مۇسۇلمان ئاز سانلىقلارغا قارشى «تېرورلۇققا قارشى تۇرۇش» دېگەن نام ئاستىدا ئاقلاشقا ئۇرۇنغان پوزىتسىيىسىنىڭ نەقەدەر ئىنسانىي ئەمەسلىكىنى كۆرسىتىپ بېرىدۇ.
«ئائىلىنى بىرلىككە كەلتۈرۈش» تەلىپى
خىتاينىڭ چېگرادىن كىرىش-چىقىش ئىمكانىيىتىگە ئىگە قىلىش ئارقىلىق خىتاينىڭ ئائىلىنىڭ بىرلىشىشىگە كاپالەتلىك قىلىشىنى تەلەپ قىلغان بېرگمان ، شىنجاڭ رايونىدىكى «مەشىق لاگېرلىرى» نىمۇ تاقاش ۋە ئۇ يەردىكى مەھبۇسلارنى شەرتسىز قويۇپ بېرىش كېرەكلىكىنى تەكىتلىدى.
كەچۈرۈم تەشكىلاتى يەنە خىتاي ھۆكۈمىتىدىن ب د ت كىشىلىك ھوقۇق مۇتەخەسسىسلىرى ۋە مۇستەقىل تەتقىقات گۇرۇپپىلىرى ۋە مەتبۇئات ئەزالىرىنىڭ شىنجاڭغا ھېچقانداق چەكلىمىسىز كىرىشىنى تەلەپ قىلدى.
