جەنۇبىي كورېيە خىتاي، روسىيەنى شىمالىي كورېيە ئېلىپ بېرىۋاتقان يادرو سىنىقىنىڭ ئالدىنى ئېلىشقا چاقىردى

2022- يىل 6- ئاينىڭ 28- كۈنى

كورىيە خىتاي ۋە روسىيەنى چاۋشيەننى يادرو سىنىقى ئېلىپ بارماسلىققا قايىل قىلىشقا چاقىردى.

كورىيەنىڭ بىرلىككە كەلتۈرۈش مىنىستىرى Kwon Young-se مۇخبىرلارنى كۈتۈۋېلىش يىغىنىدا مۇنداق دېدى: چاۋشيەن يادرو قوراللىرى پىلانى بىلەن كورىيىنى كۈنسېرى نىشان قىلماقتا.

كۋون مۇنداق دېدى: ئامېرىكا باشچىلىقىدىكى غەرب دۆلەتلىرى روسىيەنىڭ ئۇكرائىناغا تاجاۋۇز قىلىشى بىلەن ئالدىراش بولىۋاتقان بىر پەيىتتە، چاۋشيەن داۋاملىق قورال-ياراغ ياساپ، پايدىلىق مۇھىتتىن پايدىلىنىپ ، بۇ رايوننىڭ نۆۋەتتىكى ۋەزىيىتىنى ئۆزگەرىتمەكچى.

چاۋشيەننىڭ يادرو ئارزۇسىنىڭ ئۆز دۆلىتى ئۈچۈن «ئېغىر ۋە نېگىزلىك تەھدىد» ئىكەنلىكىنى تىلغا ئالغان كۋون ، كورىيەنىڭ يادرو سىنىقىغا قارشى كەسكىن تەدبىرلەرنى تەييارلاۋاتقانلىقىنى تەكىتلىدى.

كۋون مۇنداق دېدى: «ئېنىقكى ، چاۋشيەن بىرلا ۋاقىتتا ئامېرىكا ۋە كورېيەگە ھۇجۇم قىلىش ئىقتىدارىنى ئىزدەۋاتىدۇ.»

كۋون خىتاي ۋە روسىيەنى چاۋشيەننى يادرو سىنىقى ئېلىپ بارماسلىققا قايىل قىلىشقا چاقىردى: «ئەگەر چاۋشيەن يەر شارى بىخەتەرلىكى تۇراقسىز پەيتتە يادرو قوراللىرىنى سىناق قىلىشنى داۋاملاشتۇرسا ، خەلقئارا جەمئىيەتنىڭ كەڭ تەنقىدىگە ئۇچرايدۇ ». دېدى.

چاۋشيەن رەھبىرى كىم جوڭئۇن 24-ئىيۇن دۆلەتنىڭ مۇداپىئە ئىقتىدارىنى كۈچەيتىش ۋە تەھدىتىنى ئاشۇرۇشنى بۇيرۇدى.

پيوڭياڭ ھۆكۈمىتى ئەڭ ئاخىرقى قېتىم 6-ئاينىڭ 5-كۈنى 8 دانە قىسقا مۇساپىلىك باللىستىك باشقۇرۇلىدىغان بومبا سىناق قىلدى. ئەڭ ئاخىرقى سىناق بىلەن چاۋشيەن 2022-يىلىنىڭ بېشىدىن باشلاپ 17-قېتىم باشقۇرۇلىدىغان بومبا سىناق قىلدى.

ئامېرىكا ، ياپونىيە ۋە كورىيەنىڭ مۇئاۋىن تاشقى ئىشلار مىنىستىرلىرى 10-ئىيۇن چاۋشيەننىڭ قورال-ياراغ پروگراممىسى ئالدىدا ئۈچ تەرەپ بىخەتەرلىك ھەمكارلىقىنى ئاشۇرۇشقا قوشۇلدى.

يىغىندىن كېيىن ئېلان قىلىنغان باياناتتا ، چاۋشيەننىڭ قانۇنسىز باشقۇرۇلىدىغان بومبا سىنىقى قاتتىق ئەيىبلەندى ۋە بۇ دۆلەت بىلەن «ئېغىر ۋە ئىمكانىيەتلىك سىجىل سۆھبەتنىڭ ئىشىكى ئوچۇق» دەپ كۆرسىتىلدى.