سەئۇدى ئەرەبىستان پاكىستان مالىيە ۋە پۇل ئىسلاھاتى ئېلىپ بارمىسىا، قۇتقۇزۇش پىلانى ئىچىدە ئىقتىسادى ياردەمنى كېسىدىغانلىقىنى ئېلان قىلدى.
سەئۇدى ئەرەبىستاننىڭ پاكىستانغا تېخىمۇ كۆپ ئىقتىسادىي ياردەم ياكى ئۆسۈمسىز قەرز بەرمەسلىك قارارى ئىسلامئاباد ھۆكۈمىتى ئەمەلدارلىرىنى ئۈمىدسىزلەندۈردى.
رايون مۇتەخەسسىسلىرىنىڭ ئوتتۇرا شەرق گېزىتىگە بەرگەن باياناتىغا قارىغاندا ، سەئۇدى ئەرەبىستان پاكىستاندىن يېڭى ئۆسۈم قەرز ۋە مەبلەغ سېلىش ئۈچۈن پۇل-مۇئامىلە ئىسلاھاتى ئېلىپ بېرىشنى ، شۇنداقلا ھازىرقى ھېسابات قىزىل رەقىمىنى زور دەرىجىدە ئازايتىشنى تەلەپ قىلغان.
تەتقىقاتچى ئۆمەر كېرىم «ئىلگىرى سەئۇدى ئەرەبىستان ۋە باشقا دېڭىز قولتۇقى دۆلەتلىرى تېلېفون ئارقىلىقمۇ پاكىستانغا ئىقتىسادىي ياردەم بېرەتتى، ئەمما ھازىر ئۇلار ئىسلامئاباد ھۆكۈمىتىگە زور قىيىنچىلىقلارنى ئېلىپ كەلدى» دەپ كۆرسەتتى.
پاكىستان ئارمىيىسىنىڭ باشلىقى ئاسىم مۇنىرنىڭمۇ سەئۇدى ئەرەبىستان زىيارىتى جەريانىدا تەخت ۋارىسى شاھزادە مۇھەممەد بىن سەلماننى جىددىي مەبلەغ بىلەن تەمىنلەشكە قايىل قىلالمىغانلىقى كۆرسىتىلدى.
ئۆمەر كېرىم مۇنداق دېدى: «پاكىستان ئارمىيىسىنىڭ باشلىقلىرى ئىلگىرى دوستانە دۆلەتلەرنى كاپالەتلەندۈرۈشنىڭ مەنبەسى بولغان بولسىمۇ، ھازىر سەئۇدى ئەرەبىستانلىقلار پاكىستان دائىرىلىرىنى ئىقتىسادىي ياردەمنى ئىسراپ قىلىش بىلەن ئەيىبلىدى».
پاكىستان 3.5 يىل ئىچىدە تەخمىنەن 80 مىليارد دوللار خەلقئارالىق قەرزنى قايتۇرۇشى كېرەك.
