مەلۇم بولۇشىچە، ئاۋىستىرالىيەدە پىنسىيەگە چىققان ئەنگىلىيەلىك ئۇچقۇچىنىڭ يۇقىرى مائاش بىلەن خىتاي ھاۋا ئارمىيىسى خادىملىرىنى مەشىقلەندۈرگەنلىكى توغرىسىدىكى ئەيىبلەشلەرگە قارىتا ئېلىپ بېرىلغان تەكشۈرۈشنىڭ بىر قىسمى سۈپىتىدە ، ئەنگىلىيەلىك ئۇچقۇچىنىڭ ئۆيىگە ساقچىلار بېسىپ كىرگەن.
رېيتېر ئاگېنتلىقى ئاۋىستىرالىيەدىكى سوت خاتىرىسىنى نەقىل كەلتۈرۈپ ، جەنۇبىي ئافرىقىدىكى ئۇچۇش مەشىق ئاكادېمىيىسىنىڭ مۇدىرى ۋە يېتەكچى ئۇچقۇچىسى كەيت خارتلېينىڭ ئۆيىگە بېسىپ كىرىپ ، ئۇ يەردىكى بىر قىسىم ماتېرىياللارنىڭ قولغا چۈشۈرۈلگەنلىكىنى ئېلان قىلدى.
رېيتېر ئاگېنتلىقى، ئۇچقۇچىنىڭ ئۆيىدە ئېلىپ بېرىلغان ئاختۇرۇشنىڭ «قانۇنسىز» ئىكەنلىكىنى ۋە مۇسادىرە قىلىنغان بۇيۇملارنى قايتۇرۇشنى ئىلتىماس قىلغانلىقىنى بايان قىلدى.
سوت 4-ئاينىڭ 28-كۈنى بۇ ئىلتىماسنى رەت قىلغانلىقى بايان قىلىنغان بولسىمۇ ، ئىسپات ئاڭلاش خاتىرىسىگە قارىغاندا ، جەنۇبىي ئافرىقىدىكى ئۇچۇش مەشىق ئاكادېمىيىسى خىتاي دۆلەتلىك ئاۋىئاتسىيە سانائىتى شىركىتى (AVIC) بىلەن ھەمكارلىق ئورناتقان ، بۇ ھەمكارلىقنىڭ نەتىجىسىدە ، خىتاي ئۇچقۇچىلىرى جەنۇبىي ئافرىقىدىكى تەجرىبىلىك غەربلىك كۈرەشچى ئايروپىلان ئۇچقۇچىلىرى تەرىپىدىن تەربىيەلەنگەن.
سوت خاتىرىسىدە كۆرسىتىلىشىچە ، ئاۋىستىرالىيە ساقچىلىرى 2018-يىلدىن 2022-يىلغىچە بولغان ئارىلىقتا خىتاي ھۆكۈمىتى قوللىغان ۋە باشقۇرىدىغان ئورگاندا، خىتاي كۈرەشچى ئايروپىلان ئۇچقۇچىلىرىنى تەربىيىلەش گۇمانى بىلەن خارتلېينىڭ ئۆيىنى ئاختۇرغان.
ئاڭلاشلارغا قارىغاندا ، ئاۋىستىرالىيە ساقچىلىرى خارتلېينىڭ ئۆيىنى «خىتاي ئۇچقۇچىلىرىنى تاكتىكا ۋە ئىستراتېگىيىلىك مەشىق بىلەن تەمىنلىگەن» دىگەن گۇمان بىلەن ئاختۇرغان.
خىتاي دۆلەت مۇداپىئە مىنىستىرلىكى، پىنسىيەگە چىققان ئەنگىلىيەلىك ھەربىي ئۇچقۇچىلىرىنىڭ تەجرىبىسىنى خىتاي ئارمىيىسىگە ئۆزلەشتۈرۈش ئۈچۈن زور مىقداردا پۇل ئاجىراتقانلىق مەسىلىسى ئۆكتەبىردە ئوتتۇرىغا قويۇلغان ئىدى.
شۇنىڭدىن كېيىن، ئەنگىلىيە ۋە ئاۋىستىرالىيە ساقچىلىرى بۇ توغرىلىق تەكشۈرۈشنى باشلىدى ، لوندون ئەنگىلىيەنىڭ پىنسىيەگە چىققان كۈرەشچى ئۇچقۇچىلىرىنىڭ دۆلەت بىخەتەرلىكىنى كۆزدە تۇتۇپ باشقا دۆلەتلەردە بولۇپمۇ خىتايدا ئىشلەشنى چەكلىدى.