كۈنسېرى كۈچىيىۋاتقان ئىقتىسادىي كرىزىسقا دۇچ كەلگەن سىسى ھاكىمىيىتىگە بولغان تەنقىد كۈندىن كۈنگە ئاشماقتا.
سىياسىي ئۆزگىرىش ئارقىلىق مىسىردا ھاكىمىيەت بېشىغا كەلگەن پرېزىدېنت ئابدۇل فەتتاھ سىسى تېلېۋىزوردا تارقىتىلغان نۇتقىدا ، ئۆز خەلقىنىڭ ئاچ قېلىش ئېھتىماللىقىنى «دۆلەتنىڭ مۇۋەپپەقىيىتىنىڭ بەدىلى» دەپ قوبۇل قىلىشى كېرەكلىكىنى ئوتتۇرىغا قويدى.
سىسى شەنبە كۈنىدىكى سۆزىدە رەقىبلىرىنى «يالغانچىلار ، بۇزغۇنچىلار ۋە ناچار كىشىلەر» دەپ ئاتىدى ۋە نۇرغۇن مىسىرلىقلار ئىقتىسادىي كرىزىس ئاستىدا تارمار قىلىنغان بىر پەيتتە ، ئۆزى ئېلىپ بارغان ئۇل ئەسلىھە تۈرلىرىگە سەرپ قىلغان مىلياردلىغان پۇلنى قوغدىدى.
سىسى مۇنداق دېدى: «مىسىرلىقلار قۇرۇلۇش ۋە ئىلگىرىلەشنى ئەمەس ، بەلكى يېيىشنى خالايدۇ». ئۇ يەنە: «ئەگەر مىللەتنىڭ ئالغا ئىلگىرىلىشى ۋە گۈللىنىشىنىڭ باھاسى ئاچ ۋە ئۇسسۇز قېلىش بولسا ، ئۇنداقتا ئىچمەسلىك، يېمەسلىك كېرەك» دېدى.
سىسى يەنە مۇنداق دېدى: «مىللىتىمىزنىڭ ئىشلىرىغا بۇزغۇنچىلىق قىلماڭ ۋە بىزنى دۇنيانىڭ كۈلكىسىگە ئايلاندۇرماڭ. قەددىڭىزنى تىك تۇتۇڭ،سىز قانچە چىڭ تۈرسىڭىز ئىقتىسادىي كرىزىس شۇنچە تېز ئۆتىدۇ. ” دېدى.