ھىندونېزىيە TikTok قوللىنىشچان پروگراممىدا مال سېتىۋېلىش ئىقتىدارىنى چەكلىدى
ھىندونېزىيە ھۆكۈمىتى ئىجتىمائىي ئالاقە سۇپىلىرىدا سېتىش ۋە سېتىۋېلىشنى چەكلىگەندىن كېيىن ، TikTok نىڭ توردىن مال سېتىۋېلىش ئىقتىدارىنى توختاتتى.
BBC نىڭ خەۋىرىگە قارىغاندا ، ھىندونېزىيە سودا مىنىستىرى زۇلكىفلى ھەسەن ئىجتىمائىي ئالاقە سۇپىلىرىدا مال سېتىۋېلىشنىڭ چەكلەنگەنلىكىنى ئېلان قىلغاندىن كېيىن ، TikTok پۈتۈن مەملىكەتتە «دۇكان» ئىقتىدارىنى ۋاقتىنچە توختاتقان.
TikTok تەرىپىدىن ئېلان قىلىنغان باياناتىدا ، شىركەتنىڭ مۇھىم نۇقتىسى «يەرلىك قانۇن-نىزاملارغا ئەمەل قىلىش» ئىكەنلىكى ۋە توردا ئىلتىماس قىلىش ۋە سېتىۋېلىشنىڭ توختىتىلغانلىقى ئوتتۇرىغا قويۇلغان.
2021-يىلى TikTok ھىندونېزىيەدە توردىن مال سېتىۋېلىش ئىقتىدارىنى سىناق تەرىقىسىدە يولغا قويدى ، بۇ دۆلەت ئىككى يىل ئىچىدە دۇنيادىكى «TikTok دۇكىنى» نىڭ ئەڭ چوڭ بازارلىرىنىڭ بىرىگە ئايلاندى.
ھىندونېزىيەدە توردىن مال سېتىۋېلىشنىڭ 2018-يىلدىن بۇيان 6 ھەسسە ئاشقانلىقى ، دۆلەتنىڭ مەركىزى بانكىسىنىڭ سانلىق مەلۇماتلىرىغا قارىغاندا ، كېلەر يىلى توردا سېتىش سوممىسىنىڭ 44 مىليارد دوللارغا يېتىشىدىن ئۈمىد بار ئىكەن.
ھىندونېزىيە سودا مىنىستىرى ھەسەن ھۆكۈمەتنىڭ يۈزتۇرانە ساتىدىغان دۇكانچىلارنى قوغداشنى مەقسەت قىلىدىغانلىقىنى تىلغا ئېلىپ ، ئۇلارنىڭ ئىجتىمائىي ئالاقە سۇپىلىرىدا سېتىشنى چەكلەش قارارى بىلەن «ئادىل ۋە سەمىمىي رىقابەت» كە كاپالەتلىك قىلىشقا تىرىشىۋاتقانلىقىنى تەكىتلىدى.
TikTok نىڭ شەرقىي جەنۇبى ئاسىيادا ئايلىق ئاكتىپ ئابونتلىرىنىڭ 325 مىليون ئىكەنلىكى ، بۇنىڭ 125 مىليوننىڭ ھىندونېزىيەدە ئىكەنلىكى ئوتتۇرىغا قويۇلغان.
