ئامېرىكا: تۈركىيەگە F-16 كۈرەشچى ئايروپىلانىنى سېتىپ بېرىش مۇھىم

1.2K

ئامېرىكا دۆلەت مۇداپىئە مىنىستىرلىقى — پېنتاگوندا مۇخبىرلارنىڭ سوئاللىرىغا جاۋاب بەرگەن دۆلەت مۇداپىئە مىنىستىرى لويد ئوستىن تۈركىيەنىڭ شىمالىي ئاتلانتىك ئەھدى تەشكىلاتى — ناتونىڭ مۇھىم ئىتتىپاقدىشى ئىكەنلىكىنى ئەسكەرتىپ: بىزنىڭ تۈركىيە بىلەن ئۇزۇن مۇددەتلىك كۈچلۈك مۇناسىۋىتىمىز بار؛ بىز بۇنى ساقلاپ قېلىش ئۈچۈن ئامالنىڭ بارىچە تىرىشچانلىق كۆرسىتىمىز» دېدى.

ئۇ ناتو ئىتتىپاقداشلىرى ئارىسىدىكى ئۆزئارا ئۇيۇمچانلىقنى ساقلاپ قېلىشنىڭ ئالدىنقى پىلاندىكى ئىش بولۇشنى داۋاملاشتۇرىدىغانلىقىنى قەيت قىلدى.

پىرېزىدېنت جو بايدىن ھۆكۈمىتى تۈركىيەگە F-16 كۈرەشچى ئايروپىلانىنى سېتىپ بېرىشنىڭ دۆلەت بىخەتەرلىك مەنپەئەتى ئۈچۈن زۆرۈر ئىكەنلىكىنى ئوتتۇرىغا قويماقتا.

ئامېرىكا دۆلەت مەجلىسى بولسا، سېتىش رەسمىيەتلىرىگە تۈركىيەنىڭ شىۋېتسىيە بىلەن فىنلاندىيەنىڭ ناتوغا ئەزا بولۇشىغا يېشىل چىراغ يېقىپ بېرىشىگە ئوخشىغان بەزى شەرتلەرنى قويماقتا.