ئاۋىستىرىيە ئىچكى ئىشلار مىنىستىرى گېرخارد كارنېر خىتاي ئىجتىمائىي ئالاقە سۇپىسى TikTok نىڭ «بىخەتەرلىك ئەندىشىسى» سەۋەبىدىن فېدېراتسىيە دەرىجىلىك ھۆكۈمەت خىزمەتچىلىرىنىڭ يانفونىدا ئىشلىتىشىنى چەكلىگەنلىكىنى ئېلان قىلدى.
كارنېر ئاخباراتقا بەرگەن باياناتىدا ، 2-ئايدىن باشلاپ ئىچكى ئىشلار مىنىستىرلىكى قارمىقىدا قۇرۇلغان مۇتەخەسسىسلەر كومىتېتى TikTok ئەپ دېتالىنى تەكشۈرۈشىگە ماس ھالدا چىقىرىلغان قارارنى كۆپچىلىك بىلەن ئورتاقلاشتى.
ھۆكۈمەت ئەمەلدارلىرىنىڭ TikTok نى شەخسىي ئۈسكۈنىلىرىدە ئىشلىتەلەيدىغانلىقىنى تىلغا ئالغان كارنېر ، بۇ پروگراممىنىڭ فېدېراتىپ دەرىجىلىك ھۆكۈمەت خىزمەت يانفۇنلىرىدا ئىشلىتىلىشىنىڭ چەكلەنگەنلىكىنى ، ھەمدە بۇ ئەپنىڭ خىتاي دۆلىتىگە تەۋە ئىكەنلىكىنى ، بۇنىڭ سانلىق مەلۇمات بىخەتەرلىكى ۋە ئۇچۇرغا بولغان ھەر خىل ئەندىشىلەرنى پەيدا قىلىدىغانلىقىنى بىلدۈردى.
