چاقماق خەۋەر

خىتاي دۆلەت مۇداپىئە مىنىستىرلىكى؛ روسىيەدە ئۆتكۈزۈلىدىغان ھىندىستان، بېلورۇسىيە ۋە تاجىكىستان قاتنىشىدىغان بىرلەشمە مانېۋىرغا ئەسكەر ئەۋتىدىغانلىقىنى ئېلان قىلدى.

خىتاي دۆلەت مۇداپىئە مىنىستىرلىكىنىڭ باياناتىدا ، مانېۋىرغا قاتنىشىشنىڭ نۆۋەتتىكى رايون ۋە خەلقئارا ۋەزىيەت بىلەن مۇناسىۋىتى يوقلىقى توغرىسىدا ئۇچۇر بار.

باياندا; ھىندىستان ، بېلورۇسىيە ۋە تاجىكىستانمۇ قاتنىشىدىغان بىرلەشمە مانېۋىرنىڭ داۋاملىشىۋاتقان ھەمكارلىق كېلىشىمىنىڭ بىر قىسمى ئىكەنلىكىنى تەكىتلەپ مۇنداق دېدى: «مەقسەت ئىشتىراك قىلغان دۆلەتلەر ئارمىيىسى بىلەن ئەمەلىي ۋە دوستانە ھەمكارلىقنى چوڭقۇرلاشتۇرۇش ، ئىستراتېگىيىلىك ھەمكارلىقنى تەرەققىي قىلدۇرۇش ۋە ھەر خىل بىخەتەرلىك تەھدىتىگە تاقابىل تۇرۇش ئىقتىدارىنى كۈچەيتىدۇ ». دېيىلدى.

ئۆتكەن يىللاردا خىتاي روسىيەنىڭ قاتنىشىشى بىلەن بىرلەشمە مانېۋىر ئۆتكۈزگەن ئىدى.

تاجىكىستان چېگراسىغا جايلاشقان باتكېن شەھىرىدە روسىيە تەرىپىدىن بىر مەكتەپ ئېچىلغان بولۇپ، بۇ يەرقىرغىزىستان جۇمھۇرىيىتى بىلەن تاجىكىستان ئوتتۇرسىدا دائىم توقۇنۇش يۈز بېرىدىغان رايۇندۇر.

باتكېن شەھەرلىك ھۆكۈمەتنىڭ 2022-يىلى 8-ئاينىڭ 10-كۈنىدىكى ئورگان تورىدا بەرگەن باياناتىغا قارىغاندا، باشكورتوستان پېداگوگىكا ئۇنىۋېرسىتېتى خەلقئارا مۇناسىۋەتلەر بۆلۈمىنىڭ باشلىقى رادىك يۇلبايېف ۋە مەخسۇس روسىيە ۋەكىللىرى بۇ مەكتەپنىڭ ئېچىلىشى ئۈچۈن ئېلىپ كەلگەن.

📌 ئىلگىرى تەقسىم قىلىنغان يەرنىڭ كېڭىيىشى تەلەپ قىلىندى

بۇ مەكتەپ ھەققىدە باتكېن شەھەرلىك ھۆكۈمەت مۇنداق دېدى: «ھازىرغا قەدەر چېت-بۇلاق رايونىدىن رۇسلار قۇرماقچى بولغان مەكتەپ ئۈچۈن 2.6 گېكتار يەر ئاجرىتىلدى. بۈگۈنكى يىغىندا ، رۇسىيە ۋەكىللىرى مەكتەپ قۇرۇش ئۈچۈن 3 گېكتار يەر تەلەپ قىلدى. ئۇ يەنە يەرلىك ھۆكۈمەتتىن قۇرۇلۇش جەريانىدا توك ، تور ئۇلىنىشى ۋە پاكىز سۇ بىلەن تەمىنلەشنى تەلەپ قىلدى. ئەگەر يەر مەسىلىسى ھەل قىلىنسا ، قۇرۇلۇش ئىشلىرى بۇ يىل باشلىنىپ ، بىر يىل ئىچىدە ئىشلىتىشكە كىرىشتۈرۈلىدۇ »

📌 رۇس ئوقۇتقۇچىلار ئۈچۈن تۇرالغۇ تەسىس قىلىنىدۇ

باتكېن شەھەرلىك ھۆكۈمەت ۋەكىللىرى ۋە روسىيە ۋەكىللىرى بىلەن ئۆتكۈزۈلگەن يىغىندا مەكتەپ بىناسى مۇزاكىرە قىلىندى. بۇ ئارقا كۆرۈنۈشتە «روسىيە قۇرغان يېڭى مەكتەپ 1224 ئادەم سىغىدىغان بولۇپ، مەكتەپ ئۈچۈن 2 چېنىقىش ئۆيى، 1 كىچىك ۋە 1 چوڭ سۇ ئۈزۈش كۆلچىكى سېلىنىشتىن باشقا، روسىيە ئوقۇتقۇچىلىرىنى ياتاق بىلەن تەمىنلەش پىلانلانغان ».

ئوقۇتقۇچىلار روسىيەلىك بولۇپ، رۇس تىلىدا دەرس بېرىدۇ. روسىيەدىن كەلگەن ئوقۇتقۇچىلار باشلانغۇچ مەكتەپ سىنىپلىرىنى، شۇنداقلا رۇس تىلى ۋە ئەدەبىياتى، ماتېماتىكا، فىزىكا، خىمىيە ۋە باشقا دەرسلەرنى ئۆگىنىشكە قاتنىشىدۇ.

يىغىندا يەنە «روسىيە مەكتىپىنى پۈتتۈرگەن ئوقۇغۇچىلار روسىيە فېدېراتسىيەسىنىڭ گۇۋاھنامىسىگە ئېرىشىدۇ. شۇنىڭ بىلەن بىر ۋاقىتتا ئۇ روسىيەدىكى ئالىي مائارىپ ئورگانلىرىغا ئىلتىماس قىلسا بولىدۇ ».

📌 كىشىلەر ئەنسىرمەكتە

گەرچە بۇ مەكتەپنىڭ قۇرۇلۇشى تېخى ئېلىپ بېرىلمىغان بولسىمۇ ، ئەمما يەرلىك كىشىلەرنىڭ دېققىتىنى تارتقان. قىرغىزىستانلىقلار توقۇنۇشلار دائىم يۈز بېرىدىغان رايوندا روسىيە مەكتىپىنىڭ قۇرۇلىشىنى خەتەرلىك دەپ قارايدۇ. شۇنداقلا، ئاتا-ئانىلار بالىلىرىنى روسىيە مەكتىپىگە ئەۋەتىشنى خالىمايدۇ.

دىققەت قىلىشقا ئەرزىيدىغىنى شۇكى، ئۆكتەبىردە ھىندىستاننىڭ ماھىسار رايونىدا شاڭخەي ھەمكارلىق تەشكىلاتىنىڭ قارمىقىدا ئۆتكۈزۈلىدىغان مانېۋىرغا پاكىستانمۇ قاتنىشىدىكەن.

پاكىستان بىلەن ھىندىستان ئارمىيىسى ئىلگىرى «تېرورلۇققا قارشى تۇرۇش» بىرلەشمە مانېۋىرىغا قاتناشقان، ئەمما بۇ قېتىم پاكىستاننىڭ تۇنجى قېتىم ھىندىستان چېگراسى ئىچىدىكى مانېۋىرغا قاتنىشىشى ھېسابلىنىدۇ.

پاكىستان ھىندىستاندىن ئايرىلغاندىن بۇيان، قوشنا ئىككى دۆلەت چېگرا، بولۇپمۇ كەشمىر مەسىلىسىدە ئېغىر توقۇنۇشلارنى باشتىن كەچۈردى ۋە داۋاملاشتۇرماقتا.

2019-يىلى ھىندىستان ھۆكۈمىتى كەشمىردىكى ئالاھىدە ئورنىنى بىكار قىلغاندىن كېيىن، پاكىستان-ھىندىستان مۇناسىۋىتى تېخىمۇ قىزىدى.

شاڭخەي ھەمكارلىق تەشكىلاتى 2001-يىلى 7-ئاينىڭ 15-كۈنى قۇرۇلغان بولۇپ، روسىيە، خىتاي، ھىندىستان ۋە پاكىستان قاتارلىق 8 ئەزا دۆلەتتىن تەركىب تاپقان.