بېرمىدىكى ھەربىي ھۆكۈمەت بۇ دۆلەتتىكى ياش ئاياللار ۋە ئەرلەرنىڭ مەجبۇرىي ھەربىي خىزمەت قىلىدىغانلىقىنى ئېلان قىلدى.
BBC نىڭ خەۋىرىگە قارىغاندا ، بېرمادىكى ھەربىي مەمۇرىي ئورگان بۇ دۆلەتتىكى مەجبۇرىي ھەربىي خىزمەت ئەمەلىيىتى توغرىسىدا بايانات ئېلان قىلغان.
باياناتتا 18 ياشتىن 35 ياشقىچە بولغان ئەرلەر ۋە 18 ياشتىن 27 ياشقىچە بولغان ئاياللار كەم دېگەندە 2 يىل ھەربىي ۋەزىپە ئۆتەش تەلەپ قىلىنغانلىقى خەۋەر قىلىندى.
باياناتتا مۇنداق دېيىلدى: پەۋقۇلئاددە ئەھۋاللاردا ھەربىي ۋەزىپە ئۆتەش مۇددىتىنى 5 يىلغا ئۇزارتقىلى بولىدۇ ، ھەمدە بۇ قىلمىشقا قارشى تۇرغانلارغا 5 يىللىق قاماق جازاسى بېرىلىدۇ.
قوراللىق گۇرۇپپىلار بىلەن ئارمىيە ئوتتۇرىسىدىكى توقۇنۇش
«ئۈچ ئاكا-ئۇكا ئىتتىپاقى» 2023-يىلى 27-ئۆكتەبىر خىتاي چېگراسىغا يېقىن شىمالىي شەن ئۆلكىسىدىن بېرما ئارمىيىسىگە ھۇجۇم قىلدى.
جەنۇبقا قاراپ ئىلگىرىلەۋاتقان قوراللىق گۇرۇپپىلار ھىندىستان چېگراسىغا جايلاشقان چىن ئۆلكىسىنىڭ راتېداڭ بازىرىدىكى بېرما ئارمىيىسىگە تەۋە قاراۋۇلخانا ۋە ھەربىي لاگېرنى ئىگىلىدى.
بۇ شىتاتتىكى بۇددىست ئاراكان ئارمىيىسىنىڭ ھۇجۇمىدىن قېچىپ چىققان 43 ئەسكەر ھىندىستاننىڭ مىزورام ئۆلكىسىگە پاناھلاندى ھىندىستان بىخەتەرلىك قىسىملىرى يەنە بېرما ئەسكەرلىرىنى باشقا نۇقتىغا يۆتكىگەنلىكىنى ، ئاندىن ئۇلارنى دۆلىتىگە تاپشۇرۇپ بەرگەنلىكىنى ئېلان قىلدى.
ئاراكان ئارمىيىسىنىڭ ھىندىستان بىلەن چېگرىلىنىدىغان چىن ئۆلكىسىنىڭ پالېتۋا شەھىرىنى كونترول قىلغانلىقىمۇ ئوتتۇرىغا قويۇلغان.
