مەنبە : trthaber / AA
دۈشەنبە، 2021-يىلى 3-ئاينىڭ 15-كۈنى ….
ئامېرىكا دۆلەت مۇداپىئە مىنىستىرى لويد ئوستىن ئۆزلىرىنىڭ تىنچ ئوكياننى زىيارەت قىلغاندا ئامېرىكىنىڭ «بۇ رايوندىكى ئىتتىپاقداشلىرى» بىلەن بولغان ھەربىي ھەمكارلىقنى كۈچەيتىشنى خالايدىغانلىقىنى بايان قىلىپ ، ئۆزىنىڭ «خىتايغا قارىتا كۈچلۈك تەھدىد ئورنىتىدىغانلىقىنى» جاكارلىدى.
ئامېرىكا دۆلەت مۇداپىئە مىنىستىرى لويد ئوستىن: «بۇ سەپەر ئىتتىپاق ۋە ھەمكارلىق توغرىسىدا» شۇنداقلا «بىزنىڭ ئىقتىدارىمىزنى ئاشۇرۇش بىلەن مۇناسىۋەتلىك»دېدى. ئۇ ھىندى-تىنچ ئوكيان قىسىملىرى قوماندانلىق شتابىنىڭ ئامېرىكا باش ئورگىنى جايلاشقان ھاۋاي ئارىلىدىن تىنچ ئوكيان سەپىرىنى باشلىدى.
«بىزدە يەنىلا ئەۋزەللىك بار».
ئوستىن مۇنداق دېدى: ئامېرىكا ئوتتۇرا شەرقتىكى تېرورلۇق تەشكىلاتلىرىغا قارشى كۈرەش قىلىۋاتقاندا، خىتاي ھەربىي ئىقتىدارىنى زامانىۋىلاشتۇردى.
ئوستىن توكيو ، سېئۇل ۋە يېڭى دېھلىدىكى كەسىپداشلىرى بىلەن كۆرۈشىدىغانلىقىنى ئەسلەپ مۇنداق دېدى: «بىزنىڭ مەقسىتىمىز بىزنىڭ خىتايغا ياكى ئامېرىكىغا جەڭ ئېلان قىلىدىغان باشقا كۈچلەرگە قارشى كۈچلۈك تەھدىد ئورنىتىش ئىقتىدارى ۋە مەشغۇلات پىلانىمىزنىڭ بار-يوقلۇقىنى جەزملەشتۈرۈش».
تاشقى ئىشلار مىنىستىرى بىللىنكېن ھەمراھ بولىدۇ
ئۇ تاشقى ئىشلار مىنىستىرى ئانتونىي بىللىنكېننىڭ ئوستىن ، توكيو ۋە سېئۇلدىكى يىغىنلاردا ئۇنىڭغا ھەمراھ بولىدىغانلىقىنى ئېيتتى.
ئۇلارنىڭ ياپونىيە ۋە كورىيەنىڭ دىپلوماتىيە ۋە دۆلەت مۇداپىئە مىنىستىرلىرى بىلەن تۆت تەرەپلىك ئۇچرىشىش ئۆتكۈزىدىغانلىقىنى بايان قىلغان ئوستىن ئىتتىپاقداشلىرىنىڭ گېپىنى ئاڭلايدىغانلىقىنى ۋە ئۇلارنىڭ كۆز قارىشىنى ئۆگىنىشكە تىرىشىدىغانلىقىنى تەكىتلىدى.
18-مارت بايدىن ھۆكۈمىتى بىلەن خىتاينىڭ تۇنجى ئۇچرىشىشى
بىللىنكېن ياپونىيە ۋە كورېيە سەپىرىنى تاماملىغاندىن كېيىن ، 18-مارت ئالياسكا شىتاتىدا ئاقساراينىڭ دۆلەت بىخەتەرلىك مەسلىھەتچىسى جەيك سۇللىۋان ۋە ئۇنىڭ خىتايدىكى كەسىپداشلىرى ياڭ جيېچى ۋە ۋاڭ يى بىلەن كۆرۈشىدۇ.
بۇ يىغىن جو بايدىن ھۆكۈمىتى بىلەن خىتاي ئوتتۇرىسىدىكى تۇنجى قېتىملىق ئۇچرىشىشى ھېساپلىنىدۇ.
