![](http://taklimakan.biz/wp-content/uploads/2021/06/1028407628_0_208_3500_2102_1000x0_80_0_1_2a40b2cf3c6f62030b47696672a2eee4.jpg)
مەنبە: REUTERS / Sputniknews
2021-يىلى 6-ئاينىڭ 1-كۈنى، سەيشەنبە
قانخۇر شى جىنپىڭ يىللاردىن بېرى خەلقى ئۈستىدە قەتلىئام ئېلىپ بېرىۋاتقان بەششار ئەسەدكە سايلامدا ئۇتۇق قازانغانلىقى ئۈچۈن ئەۋەتكەن تەبرىك سۆزىدە سۈرىيەنىڭ مىللىي ئىگىلىك ھوقۇقى، مۇستەقىللىقى ۋە زېمىن پۈتۈنلۈكىنى قوغداشنى كۈچلۈك قوللايدىغانلىقىنى ۋە دۆلىتىنىڭ «پۈتۈن كۈچى بىلەن تىرىشىدىغانلىقىنى» جاكارلىدى.
شى جىنپىڭ ئالدىنقى ھەپتە ئۆتكۈزۈلگەن سايلامدا غەلبە قىلغان سۈرىيە رەھبىرى بەششار ئەسەدكە تەبرىك خېتى ئەۋەتتى.
خىتاي بىلەن سۈرىيەنىڭ ئەنئەنىۋى دوستلۇقىنىڭ بارلىقىنى، سۈرىيەنىڭ تۇنجى بولۇپ خىتاي بىلەن دىپلوماتىك مۇناسىۋەت ئورناتقان ئەرەب دۆلەتلىرىنىڭ بىرى ئىكەنلىكىنى كۆرسىتىپ ، دىپلوماتىك مۇناسىۋەتنىڭ 65 يىللىقى مۇناسىۋىتى بىلەن بىرلىكتە تىرىشىپ، خىتاي-سۈرىيە مۇناسىۋىتىدە تېخىمۇ زور ئۇتۇقلاردا تىرىشىشقا تەييار ئىكەنلىكىنى ئېيتتى.
شى جىنپىڭ يەنە سۈرىيەنىڭ مىللىي ئىگىلىك ھوقۇقى ، مۇستەقىللىقى ۋە زېمىن پۈتۈنلۈكىنى قوغداشنى كۈچلۈك قوللايدىغانلىقىنى ، تاجىسىمان ۋىرۇسقا قارشى تۇرۇش ، ئىقتىسادنىڭ ئەسلىگە كېلىشى ۋە خەلقنىڭ پاراۋانلىقىنى ياخشىلاشتا «قولىدىن كېلىشىچە تىرىشىدىغانلىقىنى» جاكارلىدى.