952 
تۈرك دۆلەتلىرى تەشكىلاتى تۈركىيەدە يۈز بەرگەن يەر تەۋرەشلەر مۇناسىۋىتى بىلەن پەۋقۇلئاددە باشلىقلار يىغىنى چاقىرىدۇ؛ يىغىنغا جۇمھۇر رەئىس رەجەپ تاييىپ ئەردوغان ساھىبخانلىق قىلىدۇ.
جۇمھۇر رەئىس ئەردوغان تەشكىلاتغا ئەزا بەزى ئەزا دۆلەتلىرىنىڭ پىرېزىدېنتلىرى بىلەن كۆرۈشتى؛ ئۇنىڭ تۇنجى مېھمىنى ئۆزبېكىستان پىرېزىدېنتى شەۋكەت مىرزىيايېۋ بولدى.
جۇمھۇر رەئىس ئەردوغان يەنە ئەزەربەيجان پىرېزىدېنتى ئىلھام ئەلىيېۋ ۋە قىرغىزىستان پىرېزىدېنتى سادىر جاپاروف بىلەن ئايرىم – ئايرىم كۆرۈشتى.
مېھمان پىرېزىدېنتلار تۈركىيەدە يۈز بەرگەن يەر تەۋرەشلەر سەۋەبىدىن ئەردوغاندىن ھال سورىدى. ئۇچرىشىشلار جەريانىدا، ئىككى تەرەپلىك مۇناسىۋەتلەر ۋە رايونغا ئالاقىدار مەسىلىلەر مۇزاكىرە قىلىندى ھەمدە تۈرك دۆلەتلىرى تەشكىلاتى باشلىقلار يىغىنىنىڭ كۈنتەرتىپىدىكى مەسىلىلەر مۇھاكىمە قىلىندى.
تۈرك دۆلەتلىرى تەشكىلاتى پەۋقۇلئاددە باشلىقلار يىغىنى تۈركىيەنىڭ ساھىبىخانلىقىدا ئەزەربەيجان، قازاقىستان، قىرغىزىستان ۋە ئۆزبېكىستان قاتارلىق دۆلەتلەرنىڭ ئىشتىراك قىلىشى بىلەن پايتەخت ئەنقەرەنىڭ بەشتەپە رايونىدىكى جۇمھۇر رەئىسلىك مەھكىمىسىدە ئۆتكۈزۈلىدۇ.
بۇ قېتىمقى باشلىقلار يىغىنىغا شىمالىي قىبرىس تۈرك جۇمھۇرىيىتى، تۈركمەنىستان ۋە ۋېنگىرىيە كۈزەتكۈچى دۆلەتلەر سۈپىتىدە ئىشتىراك قىلىدۇ.
تۈركىيەدە يۈز بەرگەن يەر تەۋرەشلەردىن كېيىن تاشلىنىدىغان ئورتاق قەدەملەر ۋە تۈرك جۇغراپىيەسىگە مۇناسىۋەتلىك مەسىلىلەر يىغىننىڭ نۇقتىلىق كۈنتەرتىپىنى تەشكىل قىلىدۇ.
