روسىيە ۋە بېلورۇسىيە 3 مۇھىم نۇقتىدا ئۇرۇش مەشىق مەركىزى قۇردى
مەنبە : yenisafak
يەكشەنبە، 2021-يىلى 3-ئاينىڭ 7-كۈنى ….
روسىيە بىلەن بېلورۇسىيە يېڭى ھەربىي ھەمكارلىق كېلىشىمى ئىمزالاپ ، بېلورۇسىيەدىكى 1 رايون ۋە روسىيەدە ئايرىم-ئايرىم 2 رايوندا ئۇرۇش مەشىق مەركىزى قۇرۇشنى قارار قىلدى. رۇسىيە دۆلەت مۇداپىئە مىنىستىرلىقىنىڭ كېلىشىمگە مۇناسىۋەتلىك باياناتىدا ، «شويگۇ بىلەن خرېننىڭ موسكۋادىكى ئۇچرىشىشىدا ئىككى دۆلەت ئارمىيىسىنىڭ بىرلەشمە مەشىقى ئۈچۈن 3 جەڭ مەشىق مەركىزى قۇرۇش توغرىسىدا كېلىشىم ئىمزالىغانلىقى» ئوتتۇرىغا قويۇلغان.
روسىيە دۆلەت مۇداپىئە مىنىستىرى سېرگېي شويگۇ ۋە بېلورۇسىيە دۆلەت مۇداپىئە مىنىستىرى ۋىكتور خرېنېن موسكۋادا بىر يەرگە جەم بولۇپ ، ھالقىلىق كېلىشىم ئىمزالىدى.
غەرب دۆلەتلىرىنى ئۇلارغا تەھدىد دەپ قاراپ ، بېلورۇسىيە ۋە روسىيە كېلىشىم بىلەن 3 ھالقىلىق رايوندا ھەربىي ئۇرۇش مەركىزى قۇرۇشنى قارار قىلدى. كېلىشىمگە ئاساسەن ، بۇ ھەربىي مەركەزلەرنىڭ بىرى پولشا چېگراسىدىكى گرودنو رايونىدا قۇرۇلىدۇ ، بېلورۇسىيە ئىزچىل جىددىيلىكنى باشتىن كەچۈرۈۋاتىدۇ.
قالغان 2 ئۇرۇش مەشىق مەركىزى روسىيە چېگرىسىغا جايلاشقان. بۇ رايونلارنىڭ بىرى نىجنىي نوۋگورود رايونى بولۇپ ، روسىيەنىڭ ئەڭ كۈچلۈك ھەربىي قىسىملىرى جايلاشقان ، يەنە بىرى پولشا چېگراسىدىكى روسىيەنىڭ كالىنىڭگراد رايونى.
ھەربىي مانېۋىر 2021-يىلى داۋاملىشىدۇ
روسىيە دۆلەت مۇداپىئە مىنىستىرلىكىنىڭ كېلىشىمگە مۇناسىۋەتلىك باياناتىدا «شويگۇ بىلەن خرېنېن موسكۋادىكى ئۇچرىشىشىدا ئىككى دۆلەت ئارمىيىسىنىڭ بىرلەشمە مەشىقى ئۈچۈن 3 جەڭ مەشىق مەركىزى قۇرۇش توغرىسىدا كېلىشىم ئىمزالىغانلىقى» ئوتتۇرىغا قويۇلغان.
غەرب دۆلەتلىرى ، بولۇپمۇ پولشا ۋە بالتىق دېڭىزى دۆلەتلىرى بېلورۇسىيە پرېزىدېنتى ئالېكساندېر لۇكاشېنكوغا قارشى ئۆكتىچى رەھبەرلەرنى قوللىغاندىن كېيىن ، بېلورۇسىيە بىلەن غەرب دۆلەتلىرى ئوتتۇرىسىدىكى زىددىيەت كۈچەيدى. موسكۋا بىلەن قويۇق مۇناسىۋىتى بار لۇكاشېنكو ئىككى دۆلەتنىڭ ھەربىي ھەمكارلىقىنى ئاشۇرۇش ئۈچۈن خىزمەت قىلدى.
