مەنبە : Mepa News
چارشەنبە، 2021-يىلى 3-ئاينىڭ 17-كۈنى
ئافغانىستاننى قايتا قۇرۇش باش تەپتىش مەھكىمىسىنىڭ باشلىقى جون سوپكو ئامېرىكىنىڭ چېكىنىش جەريانىنى باھالىدى.
سوپكو تۈنۈگۈن ئامېرىكا ئاۋام پالاتاسىدا سۆز قىلغاندا ، تالىبانلار بىلەن ھۆكۈمەت ئوتتۇرىسىدا كېلىشىم ھاسىل قىلىنىشتىن ئىلگىرى ئامېرىكا ئەسكەرلىرىنىڭ بۇ دۆلەتتىن چېكىنىشى «ئاپەت خاراكتېرلىك» بولىدىغانلىقىنى ئېيتتى.
سوپكو ئامېرىكىنىڭ ھەربىي ۋە ئىقتىسادىي ياردىمى بولمىسا ، كابۇل ھۆكۈمىتىنىڭ ۋەيران بولۇشقا دۇچ كېلىدىغانلىقىنى تەكىتلىدى: «ئافغانىستان ھۆكۈمىتى بىر نەچچە ئاي ئىچىدە كۈرەشچى ئايروپىلان ئۇچۇش ئىقتىدارىنى يوقىتىشى مۇمكىن ، ئوچۇقىنى ئېيتقاندا ۋەيران بولۇشى مۇمكىن».
كابۇل ھۆكۈمىتى ئامېرىكىنىڭ قوللىشىدىن ئايرىلالمايدۇ. بۇ ئافغانىستاندا كۆپ قېتىم ئوتتۇرىغا قويۇلدى، بۇنىڭدىن ئىلگىرى، كابۇل ھۆكۈمىتىنىڭ رەھبىرى ئەشرەف غېنىمۇ بۇنىڭغا ئوخشاش باھا بەرگەن. غېنى 2018-يىلى ئېلان قىلغان باياناتىدا مۇنداق دېدى: «ئامېرىكىنىڭ قوللىشى ۋە ئەسلىھەلىرى بولمىسا ئارمىيىمىزنى ئالتە ئاي تۇرلمايدۇ»
دوھا كېلىشىمى ۋە ئامېرىكىنىڭ چېكىنىش جەريانى
ئامېرىكا بىلەن تالىبانلار ئوتتۇرىسىدا 2020-يىلى 2-ئاينىڭ 29-كۈنى ئىمزالانغان كېلىشىمگە ئاساسەن ، ئامېرىكا ئەسكەرلىرىنى دۆلەتتىن چېكىندۈرۈشكە باشلىدى.
2020-يىلى 6-ئاينىڭ ئوتتۇرىلىرىدا ، ئامېرىكا ئافغانىستاندىكى ئەسكەر سانىنى 8600 ئەتراپىدا ئازايتتى.
7-ئاينىڭ ئوتتۇرىلىرىدا ، ئامېرىكا ھىلمېند ، ئۇرۇزگان ، پاكتىكا ۋە لامان قاتارلىق ئۆلكىلەردىكى جەمئىي 5 چوڭ ھەربىي بازىنى تاقىدى.
1-ئاينىڭ 15-كۈنى ، ئامېرىكا ئافغانىستاندىكى ئەسكەر سانىنى 2500 گە قىسقارتتى.
كېلىشىم ئىمزالانغان ۋاقىتتا ، ئامېرىكىنىڭ بۇ دۆلەتتە تەخمىنەن 13 مىڭ ئەسكىرى بار ئىدى.
كېلىشىمدىكى بەلگىلىمە
ئامېرىكا بىلەن تالىبان ئوتتۇرىسىدا ئىمزالانغان كېلىشىمدە ، ئامېرىكا 14 ئاي ئىچىدە بۇ دۆلەتتىن چېكىنىشكە ۋەدە بەردى.
بۇ ئارقا كۆرۈنۈشتە ، ئامېرىكا 2021-يىلى مايغىچە دۆلەتتىن چېكىنىشى كېرەك.