كىتەرلىك ماتېرىيالى: قوي گۆشى، پىنتوزا، لەڭپۇڭ، شوخلا، پالەك، كىچىك قىزىلمۇچ، غولپىياز، سامساق، زەنجىۋىل
تەم خۇرۇچلىرى: تۇز، تېتىتقۇ، توخۇ تەم جەۋھىرى، ئاقمۇچ، چانالغان قىزىلمۇچ، ئاچچىقسۇ
تەييارلاش ئۇسۇلى: ئالدى بىلەن پىنتوزىنى قايناقسۇغا چىلاپ يۇمشىتىۋالىمىز؛ گۆشنى باش بارماق ئۇزۇنلۇقىدا چوڭراق قىلىپ توغرىۋالىمىز؛ لەڭپۇڭنى قەنت چوڭلۇقىدا تۆت بۇرجەك پارچە قىلىپ توغرايمىز؛ شوخلا، غولپىياز، زەنجىۋىل، كىچىك قىزىلمۇچلارنى ئۇششاق توغرايمىز؛ سامساقنى ياپراقچە قىلىپ توغرايمىز؛ تۇرۇپنى رەسىمدىكىدەك نىپىز پارچە قىلىپ توغرايمىز.
پىشۇرۇش ئۇسۇلى: قازانغا ماي قۇيۇپ قىزىتىپ، ئاۋۋال توغرىغان گۆشنى سېلىپ قورۇيمىز؛ ئازراق قورۇۋالغاندىن كېيىن، زەنجىۋىل، غولپىياز، سامساق قاتارلىقلارنى سېلىپ قورۇپ تەم چىقىرىمىز؛ غولپىياز ۋە گۆش قورۇلۇپ سارغايغاندىن كېيىن، ئازراق چانالغان قىزىلمۇچ قوشىمىز؛ تۇز، تېتىتقۇ، توخۇ تەم جەۋھىرى قوشۇپ تەم تەڭشەيمىز. كەينىدىن قازانغا مۇۋاپىق مىقداردا سۇ قۇيۇپ قاينىتىپ، ئاۋۋال شوخلىنى سالىمىز، كەينىدىن لەڭپۇڭنى سالىمىز؛ ئازراق قايناتقاندىن كېيىن، پىنتوزىنى سالىمىز، كەينىدىن تۇرۇپنى سالىمىز، ئاخىرىدا پالەكنى سېلىپ قاينىتىپ ئۇسۇپ ئېلىپ ئىستېمال قىلساق بولىدۇ.
