3 كۈندىن بۇيان تېكساس شىتاتىنىڭ داللاس شەھىرىدە ئۆتكۈزۈلىۋاتقان 2022-يىلدىكى سىياسىي ھەرىكەت يىغىنىدا سۆز قىلغان ترامپ دېموكراتچىلار پارتىيىسىنى تەنقىد قىلىش بىلەن بىر ۋاقىتتا ، ئۆزىنىڭ 2024-يىلدىكى پرېزىدېنت سايلىمىغا قاتنىشىدىغانلىقىدىن بېشارەت بەردى.
ترامپ 8-نويابىر ئۆتكۈزۈلمەكچى بولغان ئوتتۇرا مەزگىللىك سايلامنى تىلغا ئېلىپ ، تەخمىنەن 2 سائەت داۋاملاشقان نۇتقىدا مۇنداق دېدى: «ئامېرىكىنىڭ قايتىپ كېلىشى نويابىردا باشلىنىدۇ».
ترامپ سۆزىدە 2024-يىلدىكى پرېزىدېنت سايلىمىغا ئىشارەت قىلىپ مۇنداق دېدى: «بىز بۇنى قايتا قىلىشىمىز كېرەك» .
ترامپ يەنە پرېزىدېنتلىق مەزگىلىدە ۋە ئۇنىڭدىن كېيىن ئېچىلىدىغان تەكشۈرۈشلەرنى تەنقىد قىلدى.
ئۆزىنىڭ دۆلەت تارىخىدىكى ئەڭ زىيانكەشلىككە ئۇچرىغان ئادەم ئىكەنلىكىنى ئېيتقان ترامپ مۇنداق دېدى: «ئەگەر مەن ئۆيدە ئولتۇرسام، دونالد ترامپقا قىلىنغان بۇ زىيانكەشلىكلىرى دەرھال توختىتىلىدۇ ، ئەمما مەن ئۇنداق قىلالمايمەن ، چۈنكى مەن ۋەتىنىمنى ۋە خەلقىنى ياخشى كۆرىمەن. “