ئەزەربەيجان دۆلەت مۇداپىئە مىنىستىرلىكى بىلەن تاشقى ئىشلار مىنىستىرلىكىنىڭ بىرلەشمە باياناتىدا ، ئىران ئۇرۇش ئايروپىلانىنىڭ شۇ يەر ۋاقتى 09:44 دىن 10 گىچە ئىككى دۆلەت چېگراسىدىكى زاڭگىلان ۋە بىلېسۋار ئۆلكىسى ئوتتۇرىسىدىكى لىنىيىدە ئۇچقانلىقى خەۋەر قىلىندى.
باياناتتا ، ئىران ئۇرۇش ئايروپىلانىنىڭ چېگرادىن 3 كىلومىتىردىن 5 كىلومىتىرغىچە يىراق، بەزى ئەھۋاللاردا بىۋاسىتە چېگرا سىزىقىدىن ئۇچقانلىقى بايان قىلىنغان.
ئەزەربەيجان تەرەپ «ئىران كۈرەشچى ئايروپىلانىنىڭ چېگراغا يېقىنلىشىشى ۋە چېگرا لىنىيىسىنى بويلاپ ئۇچۇشى پۇقرالار ئاۋىئاتسىيەسىنىڭ بىخەتەرلىكىگە تەھدىت سالىدۇ ۋە ئىككى دۆلەت مۇناسىۋىتىنى جىددىيلەشتۈرۈۋېتىدۇ. ئازاد قىلىنغان تېررىتورىيەگە يېقىن يېرىم سائەتتىن ئارتۇق ئۇچۇۋاتقان ئۇرۇش ئايروپىلانى ئەزەربەيجانغا قارىتىلغان ئىغۋاگەرچىلىك ۋە دۈشمەنلىك قىلمىشى. ھەمدە ئىراننى بۇ مەسىلە توغرىسىدا بايانات ئېلان قىلىشقا ۋە كەلگۈسىدە بۇنداق قەدەملەردىن ساقلىنىشقا چاقىردۇ» دېدى.
ئىگىلىنىشچە ، ئىراننىڭ باكۇدا تۇرۇشلۇق باش ئەلچىسى ئابباس مۇساۋى تاشقى ئىشلار مىنىستىرلىقىغا چاقىرتىلغان ۋە ئۇنىڭغا نوتا بېرىلگەن.