ئىران پرېزىدېنتى ئىبراھىم رەئسى سۈرىيەدىكى 2 كۈنلۈك زىيارىتى دائىرىسىدە بەششار ئەسەد بىلەن كۆرۈشىدىكەن.
بۇ ئىران پرېزىدېنتىنىڭ 2011-يىلى ئۇرۇش پارتىلىغاندىن بۇيان تۇنجى قېتىم سۈرىيىنى زىيارەت قىلىشى ھېساپلىنىدۇ.
بۇ ئارقا كۆرۈنۈشتە ، ئىران پرېزىدېنتى ئىبراھىم رەئسى سۈرىيەنىڭ پايتەختى دەمەشىققە قارشى ئېلىندى، شۇنىڭ بىلەن بىرگە ئەرەب دۆلەتلىرىنىڭ ئۆز ئارا بەششار ئەسەد ھاكىمىيىتىنى قوبۇل قىلىش ئۇرۇنۇشى داۋاملاشماقتا.
ئىبراھىم رەئسى سۈرىيىدىكى ئىككى كۈنلۈك زىيارىتى جەريانىدا ھاكىمىيەتنىڭ تاشقى ئىشلار مىنىستىرى ھۈسەيىن ئەمىر ئابدۇللاھيان ۋە دۆلەت مۇداپىئە مىنىستىرى مۇھەممەد رىزا ئاشتىياننى ئۆز ئىچىگە ئالغان ئىران ئەمەلدارلىرى بىلەن بىللە بولىدۇ.
ئىبراھىم رەئسىنىڭ پايتەخت دەمەشقتە بەششار ئەسەد بىلەن سىياسىي ۋە ئىقتىسادىي ساھەلەرنى ئۆز ئىچىگە ئالىدىغان بىر قاتار كېلىشىملەرنى ھاسىل قىلىدىغانلىقى مۆلچەرلەنمەكتە.
يەنە بىر تەرەپتىن ، سۈرىيىدىكى «لېۋانت 24» نىڭ خەۋىرىگە قارىغاندا ، بەششار ئەسەد ئىبراھىم رەئسىنىڭ زىيارىتىدىن ئىلگىرى بۇ دۆلەتتىكى بىر قىسىم يەرلەرنىڭ ئىگىدارلىق ھوقۇقىنى ئىرانغا يۆتكىگەن.
ئىگىلىنىشچە ، بۇ يەرلەر بەششار ئەسەد ھاكىمىيىتىنىڭ ئىرانغا بولغان قەرزىنى بىكار قىلىش بەدىلىگە بېرىلگەن.
