خىتايدا ياسالغان ۋۇخەن ۋىرۇس ۋاكسىنىسى تۈركىيىگە يىتىپ كەلدى

973

خىتاي ئىشلەپچىقارغان ۋۇخەن ۋىرۇس ۋاكسىنىسىنىڭ بۈگۈن ئەتىگەندە تۈركىيەگە يېتىپ كەلگەنلىكى خەۋەر قىلىندى.

خىتاي سىنوۋاك شىركىتى تەتقىق قىلىپ ياساپ چىققان ۋاكسىنىنى ئېلىپ يۈرگەن ئايروپىلان بۈگۈن 05:30 ئەتراپىدا ئەنقەرەدىكى ئېسېنبوئا ئايرودرومىغا قوندى.

تۈركىيە سەھىيە مىنىستىرى فاھرېتتىن غوجا ئەتىگەندە خىتايدا ياسالغان ۋاكسىنىنىڭ ئېلىپ ماڭغان ئايروپىلاننىڭ يېتىپ كەلگەنلىكىنى ئېلان قىلدى.

Aşılarımızı getiren uçak Esenboğa Havalimanımıza ulaştı. 14 gün sürecek testleri hemen Türkiye İlaç ve Tıbbi Cihaz Kurumumuzda başlayacak. Testleri biter bitmez ise aşılama programımız Halk Sağlığı GM koordinasyonunda gerçekleşecek. Birlikte başaracağız.

— Dr. Fahrettin Koca (@drfahrettinkoca) December 30, 2020

تۈركىيە دورىگەرلىك ۋە داۋالاش ئۈسكۈنىلىرى ئورگىنى ۋاكسىنا ئەملەشنى تەستىقلاش جەريانىغا 14 كۈن كېتىدىغانلىقىنى بىلدۈردى.

تەستىققا ئېرىشسە، ۋاكسىنا ئەملەش باشلىنىدۇ. 4 باسقۇچتا ئېلىپ بېرىلىشى مۆلچەرلەنگەن ۋاكسىنا ئەملەشتە ، سەھىيە خادىملىرى ۋە 65 ياشتىن يۇقىرى كىشىلەر ئالدى بىلەن ۋاكسىنا ئەملىنىدۇ.

2020-12-30

مەنبە: Mepa News