كىتەرلىك ماتېرىيال: پەمىدۇر، تۇخۇم، تۇز، توخۇ تەم جەۋھىرى، شېكەر
تەييارلاش ئۇسۇلى
1. شوخلىنىڭ پوستىنى سويىۋىتىپ كىچىك قىلىپ توغرىۋالىمىز؛
2. تۇخۇمنى چېقىپ، ئازراق تۇز قوشۇپ قوچۇيمىز؛
3. قازانغا ماي قۇيۇپ قىزىتىپ، شوخلىنى سېلىپ قورۇپ شەربىتىنى چىقىرىمىز؛
4. سۇ قۇيۇپ قاينىتىمىز؛
5. چۆمۈچتە بىر تەرەپتىن قوچۇپ ئارىلاشتۇرغاچ، بىر تەرەپتىن قوچۇپ تەييارلىغان تۇخۇم سۇيۇقلۇقىنى قۇيىمىز.
6. تۇز ۋە توخۇ تەم جەۋھىرى قوشۇپ تەم تەڭشىسەكلا ئۇسۇپ ئالساق بولىدۇ.
كىتەرلىك ماتېرىيال: تۇخۇم، موگو، تېتىتقۇ ھارىقى، ئاچچىقسۇ، تۇز، غولپىياز مايسىسى، توخۇم تەم جەۋھىرى، كۈنجۈت مېيى
تەييارلاش ئۇسۇلى
1. تۇخۇمنى چېقىپ، يېرىم قوشۇق سۇغۇق سۇ يېرىم قوشۇق تېتىتقۇ ھارىقى، نەچچە تېمىم ئاچچىقسۇ ئارىلاشتۇرۇپ قوچۇيمىز.
2. موگونى يۇيۇپ نىپىز توغرايمىز، غولپىياز مايسىسىنى ئۇششاق توغرايمىز.
3. قازانغا مۇۋاپىق مىقداردا سۇ قۇيۇپ، قايناپ چىققاندىن كېيىن موگونى سېلىپ كىچىك ئوتتا نەچچە مىنۇت قاينىتىمىز.
4. ئوتنى چوڭ ئوتقا ئالماشتۇرۇپ، قوچۇپ تەييارلىغان تۇخۇم سۇيۇقلۇقىنى ئاستا-ئاستا، تەكشى ھالدا قازانغا قۇيىمىز، قازاننىڭ قايسى يىرى قايناپ چىققان بولسا شۇ يىرىگە قۇيىمىز.
5. مۇۋاپىق مىقداردا تۇز، توخۇ تەم جەۋھىرى، غولپىياز مايسىسى ۋە كۈنجۈت مېيى قوشۇپ ئارىلاشتۇرغاندىن كېيىن ئۇسۇپ ئېلىپ ئىستېمال قىلساق بولىدۇ.
كىتەرلىك ماتېرىيال: چىڭسەي يۇپۇرمىقى، تۇخۇم، غولپىياز مايسىسى، كىراخمال، تۇز، كۈنجۈت مېيى
تەييارلاش ئۇسۇلى
1. قازاندا سۇ قاينىتىپ، يۇيۇپ تەييارلىغان چىڭسەي يۇپۇرمىقىنى سۇدا قاينىتىۋالىمىز؛ قايناتقان ۋاقىتتا ئازراق ماي ۋە تۇز قوشۇۋەتسەك، رەڭگى چىرايلىق چىقىدۇ.
2. چىڭسەي يۇپۇرمىقىنى سۈزۈۋىلىپ، قازاندا باشقىدىن سۇ قاينىتىپ، سۇدا ئىرىتىپ تەييار قىلغان كىراخمالنى قۇيىمىز.
3. تۇخۇم سۇيۇقلۇقىنى قۇيىمىز؛ تۇخۇم سۇيۇقلۇقىنى قوشقان ۋاقىتتا، توختىماي ئارىلاشتۇرۇپ تۇرىمىز.
4. ئاخىرىدا ئازراق تۇز، غولپىياز مايسىسى ۋە كۈنجۈت مېيى قوشۇپ تەم تەڭشىگەندىن كېيىن، ئۇسۇپ ئېلىپ ئىستېمال قىلساق بولىدۇ.